)( عينآك موطني )(

جاسم وبدر وزياد وجراح مع عبير وهند والريم وهدى .. الي ما كانت هي الثانيه ودها تطلع وخاصه انها متعقده من الشباب ,,
ولو الود ودها تذبحهم كلهم .. يمكن هدى بشخصيتها ماجربت الحب .. او ماجربت شعور اللي تحسه كل من هند وعبير والريم
من جدي اهي ماخذه هالفكره اللي اشوفها من وجهه نظري غبية .. عن الشباب ,, !!
جاسم بفرحه : هاااااا انا خاطري بصراحه اسوي عشاي بديني !! ويبت عدتي معاك !!
هدى بسخرية : شبتسوي يعني ؟!
جاسم : هههه باربكيو !! شرايكم الهوا وايد حلو وع البحر يطللع واااااو .,.
جراح وبدر : يالله عيل ههههه
البنات اللي راحوا بجهه والشباب بجهه وعلى مسافه قريبة منهم ..
كانت هاي الطلعه نقله من حياة الحزن اللي حلت عليهم
وعلى زياد ووفاه ضحى .. وابو خالد
ام ناصر : قوم يا ولدي طلع ولدك وروح معاهم ..
ناصر : لا يمى اخاف عليه يمرض .. !!
ام ناصر اللي تناظر ولدهآ بآلم : وانت اهتمامك كله بهالياهل فكر بنفسك .. هالياهل كاني معاه موب مخليته قوم تونس وياهم ..
ناصر اللي ابتسم لامه وحس فيها : يمى هاي كل شي بحياتي !!
ام ناصر : ماعليه بسه دلع وخلني انه معاه وانت روح وياهم تونس اشويه بسك حكره بالبيت !!
ناصر بابتسامه عذبه : ان شاء الله يمى الحين اتصل في جاسم !!
ام خالد اللي كانت تحس بقلبها انه ولدها مو مرتاح وانها اختارت خيار غلط .. لولدها .. وقاعده تلوم نفسها ع حياة تعيسه اختارتها غصب عنها !!
خالد اللي اوتعى من حلمه الجميل غسل ويهه وطلع بره الغرفه ..لانه حس بملل وضيقة خلق .. شاف الاجواء هادئه اهو حاب يطلع ومايصير يخليها بروحها بعد لانه اهي بعد متملله .. شاف فتحة الباب الصغيره المنبثق منها ضوء خافت .. وصل لباب الغرفه ورآى ملآك يقرآ القرآن بلبآسها الآبيض وبترتيل رآئع ..
ابتسم لهذا المنظر الجميل .. واتمنى بدآخله لو كانت الحياه مختلفه .. شلون كنآ بنعيش هاللحظآت الجميلة ..
طرق الباب بخفه .. وفتحه بهدوء ..
ساره اللي انصدمت منه ..وبتوتر كبير نآظرته ...
خآلد : اممممم ,, آآآآ انه حبيت اطلع لآنه متملل .. تبين تيين ويآي ؟
سآره بتوتر كبير جدآ بين ملآمح البرآئه في وجنتيها المتوردتين : آآآ مآدري ,,
خآلد الي ابتسم بعذوبه خلآ سآره تنبهر بملآمحه وكآنهآ اول مره تشوفه : خلآص جهزي نفسج بنطلع ,,
سآره : ان شاء الله ,,
تهقون هآي الطلعه بتغير اشوي من هالتوتر الكبير .. اللي صآر خلآل الفتره السآبقه اووو بيزيد الطينه بله !!
نرجع للشباااب .. الكل كان فرحان بهالطلعه وناصر وصل لهم بعد .. وقعد مع الشباااب
الا زياد كان مسند رآسه على شجره .. وكان يطآلع القمر ويتمنى لو انه حلم جميل يتحقق هذه الليله وهو ان يسعد كما يرى السعاده في عيون من حوله بلقيا الحبآيب ..
جآسم : اووووووه وين رحت يا استاد زياد ؟؟
زيآد بحمق : اشفيك انت ؟؟ وياكم يعني وين رحت ؟!
ناصر وهو يهف ع اللحم اللي يسونه : هههههههه طل ويانا شوف مخك بعييييييد !!
بدر : ابصررررر من اللي ماخذه عقله ..
جرآح : احم يمكن وحده من المزيونات اللي هناك باستثناء حبيبتي !!
بدر : وحبيبتي بعد !!
جاسم : هههههههه وحبيبتي بعد يا الملاعين !!
ناصر وهو يناظر اخته وهي بعد سرحانه بشي خارج نطاق هالموضوع : اممم ظلت وحده !! خخخخ
بدر : في غيرهآ بنت عموووووو العزيزه .. (( هدوووي ))
الكل : ههههههههههههههه
زياد بحمق : اساسا حمآر اللي يقعد وياكم ,,, انتوا مو ويه احد يطلع معاكم ,,,
وقام وقف .. ومشا عنهم ..
نآصر بصوت عآلي : تعآآآآآآل وين رآيح !!
وزيآد اللي يمشي وهو ما يسمع أي آحد لدرجة انه لفت الانتباه ..
هند : ويي شفيه ولد خآلتج عبور !!!
عبير باستغرآب : مآآدري والله !!
هدى بسخريه : هاااي الشباب دومهم بايخين ..
عبير تناظر الكل وتقول بقلبها : لاااا شكله الامل مفقود منج يا هدى بس وين بتروحين مني وراج وراج .. !!!

ساره اللي لبست تركوآز مع البني وكآنت طآلعه روعه بهاللونين ..
مع صندل وشيله بنفس اللون ...
امآ خآلد فلبس جينز .. مع تيشرت خفيفه مبينه حلآوه جسمه .. اللي مبين انه ريآضي ,,
خآلد بابتسامه آخرى : جآهزه,, !!
هزت راسها بالايجاب ..
خالد : يالله عيل مشينآآ ,
طلع خآلد وورآه سآره الي حست بخوف كبير من هالمشوآر
سبحآن مغير الآحوآل مره الاجواء تكون كآنهآ في حلبة مصآرعه ومره تكون آهدآ مآيكون ..
طلب تآكسي .. ورآح معآهآ يتمشون ع البحر .. اللي كآن يعج بالنآس وخآصه انه يوم اجآزه
كانت الآجوآء رآئعه والجو عجيب ..
قعد ع الكرآسي الموجوده يم البحر اللي يطل على منظر جميل جدآآآ ,,
قآبلهآ وهو كآن يحس بتردد اما هي من بدآيه الطلعه كآنت تحس بتوتر ..
خآلد : اممم حلو الجو مو ؟
سآره بتوتر : وآآيد !!
خآلد اللي ابتسم : طيب خبريني شنو بتآكلين ؟؟
سآره : مآدري !!
خآلد : اممممم ...
سآره اللي قطعته : خآلد ... قلت بنرد ,,
خآلد اللي انصدم من سآره وحب يرد عليها : ايه صح قلت برد بس اجآزه مالقيت حجز !!
ساره الي نزلت راسها : اهاا !!
خآلد : اطمني انه عند وعدي .. مآ بخلف ,, اول مانوصل اللي تبينه بصير !
ساره بتردد كبير جدآ ووآضح : خآلد ..
خآلد وهو متضآيق وآآيد ,, : نعــم ؟؟
سآره : ,, خآلدآنه مآ آبي آتطلق منك
خآلد بصـــدمه : شنـــــــــــــو ؟؟
سآره والدمعه بعينهآ .. وهي تنآظر خآلد بعيون خجل !! وخوف وتوتر ,,
وكل شي كان يدور حوآلينهآ وحست بالبرد بالرغم انه الجو كآن لطيف ,,
خآلد بآلم نفسي حس فيه شهالتناقض يا سآره تبين تعذبيني آزيد ممآ كنت متعذب ..
ساره بخوف من هالصمت : ليش سآكت ؟ مآعجبك كلآمي !!
خآلد : لآ بــــــس ..
وفجآه يرن تلفون خآلــــد ... : هلآ وليد ..
وليد : هلا وغلا ,, شخبآرك ؟؟
خآلد : بخير والحمدلله وانت شخبارك ؟
وليد : انه بصحه وسلآمه اسئل عنك ..
خآلد : تسلم حبيبي والله .. ها شصآر ع الموضوع ؟؟
وليد : لقيت لك حجز بكرآ السآعه تسع الصبح بآمكآنك ترد وانت مطمن .. وبوصل لك التذآكر بآسرع وقت !!
خآلد اللي ابتسم ابتسامه آلم : تسلم حبيبي تعبنآك ويآنآ !!!
وليد : افا يا بو وليد ازعل منك ترآآآ ,, حآضرين للطيبين !!
خآلد : تسلم والله !
وليد : اسلمك ربي .. خلآص بكرآ الساعه سبع بمر عليك .. اعطيك التذآكر ,,
خآلد : بكون بآنتظآرك ,,
وليد : ان شاء الله خير .. مع السلآمه ..
خآلد : مع السلآمه ...
خآلد وهو ينآظر التلفون : هذآ رفيجي لقى حجــز بكرآ بنرد ..
ساره بضيج كبير : آهآ ..
سآره اللي هالمره حلت محل خآلد ,, وهي اللي قآعده تقطع الصمت ,,
سآره : ليش سآكت ؟؟
خآلد : شتبيني آقول ؟؟
سآره بتردد وهو تنآظر يمين ويسآر علشآن مآ تلتقي نظرآتهآ مع عيون خآلد الجميلة : مآرديت علي .. انت تبي تطلقني ,,
خآلد بضيج : آنه احترت معآج ,, مره ماتبيني وماتبين تقابليني ولآ كآنه ناس متزوجين .. شتبين مني !! تبين اعذبج ؟؟ واعذب نفسي معآج ..
ساره اللي بدت عينهآ تدمع .,. : يعني ماتبيني ..
خآلد بحمق : اذا كنتي بتعذبيني .. فآنآ مستغني عن هالعذآب ,,
ووقف .. وهي تبجي من قلب .. ماتبجي لانهآ رآح تفقد خآلد تبجي لانه حراره القلب اللي فيهآ مابردت .. وعمر الآحزآن شكلهآ مآ بتفآرق عيونهآ ,, الجميلتين ,,
اما الشبآب والشابات اللي كآنت الضحكآت تلمهم ..
كمل بدر المشآوي اللي مسونهآ ,,,
ورآح مبآشره يم البنآت وقعد يم اخته ,, وهم جاسم اللي قعد صوب هدى وجراح يم عبير ..
ورائد وعمار يتوسطون البنات الباجين .. وكانت اجوآء ولآ آحلى

ريم اللي كانت تتعبث بتلفونهآ وتحآول انها تتصل في بدر بس حلآوة الطلعه اللي امس طلعتها ويا بيت بو ناصر وبيت بو خآلد .. حستها انه الحياه للحين بخير
وانه في ناس يحسون لها واولهم بدر اللي مستحيل يتخلى عنهآ ..
مهمآ كانت قساوه مرت ابوهآ وابوهآ ,, !!
::
::
امآ روعه بنت عمهآ مآ زآلت غيمة الكآبة تتخلل حيآتهآ الشبابية اللي المفروض تعيشهآ بكل حلوه ومره وتوآجه الدنيا بدل قعدتهآ بالبيت .. !!
حآولت وآيد انه تغير حيآتهآ بس لا اصدقاء ولا شهآده ولا آم ولآ آبو ..
حيآة الوحده الكل يعرفهآ انهآ حياة ممللة وكئيبة .. وخاصه بعمر الشبآب ..
اخذت تتلفونهــــآآ تتعبث ابه وبالصدفه لقت رقم حمــد ..
........................................
روعه : آلـــو ؟؟
حمد : هلآ روعه ..
روعه بملل : بس هلآ ؟؟
حمد : امممم سوري بنت عمو .. خير آمري !؟
روعه : بس حبيت اسلم عليك ..
حمد : آهآ تسلمين مآ تقصرين ,,,
روعه : طيب شكلك مشغول .. ؟؟
حمد : ايه والله وآآآآيد .. ينفع اكلمج بعدين ؟
روعه : اوكيه ,, بآي
حمد : بآيآت ..
::
::
سكرت التلفون والملل ينقط منها مثل السم .. يمكن الغرور والكبرياء والخباثه اللي تعلمتها من مرت عمها .. اهي عامل رئيسي اخليها .. بهالحاله .. ويخلي الكل يتجنب الكلآم ويآهآ ..
::
::
ولكن حمـــد (( اخو ريم )) عكس روعه تمآمآ ,, حمـد اللي يتميز بشفافيته وطيبته ,, وهذا مناقض لصفآت امه ,, حمـــد اللي ماتكلمنآ عنه في بدآيه القصه ,,
حمـــد شباب بعمر ابطآل قصتنـــآآآ ,, يحب اخته ريم ,, بس انشغاله عنها ,, يخليه بعيد عنها اشويه ’’.. يشتغل بمشروع بيع آثآث ..
اعتمد على نفسه .. مع صديقه ..محمود .. في انهم جمعوآ رآس المآل ..
وفتحوآ لهم هالمـــ حل .. الي يكفيهم ويزيد ’’
::
::
حمــد : آآآآآآه تعبت انه اليوم وآيد تعبت ,,
محمود وهو يدقق الحسآبآت : ايه اليوم نقلنآ آثآث وآيد ,, بس الحمدلله دخلنآ ربح يكفينآ ..
حمد : ايه الحمدلله ع كل حآل ,,
محمود وهو يغمز لحمد : عقبآل مانشوفك معرس ..
حمد : ههههههههه لا واللي يعافيك .. اللي اشوفه من البلاوي مكفني وزايد ..
محمود : هههههههه ايه والله !!
::
::
|| مرور سآعتين .. ع حآله الصمت ||
خآلد اللي كآن يقرآ كتآب اللي اول مره شافته سآره بدينه ومكتوب بداية صفحآته اهداء ..
امآ سارة الي كآنت متملله .. وضآيق خلقهآ ..
من تعامل خآلد وياها بس خآلد من حقه لانه تعذب ويآج يآ سآره ,,
::
::
ام خآلد اللي تجهز دآر خآلد وتبخرهآ وتعدلهآ اليوم الفرحه مو شايلتنها بغض النظر عن السبب اللي رد خالد وساره مبجر ,, ياليت الاوضاع مثل ما تتمنينها يا ام خالد ,,
شكله المشاكل للحين مو منتهيه ’’ !!
::
::
عبير الي كانت تساعد امهآ واول ما خلصت .. اتصلت في الريم ..
عبير : قوووه حياااتي ’’
ريم : هلا حبيبتي هلا عمري انتي والله توج ع البآل ,,
عبير : هههههههه تسلمين ,, شخبارج !؟
ريم : انه بخير ؟ وانتي !!!
عبير : هم انه بخير !!
ريم : دوووووم حبيبتي .. ها شتسوين ؟!
عبير : اساعد امي ترتب غرفه خالد !!
ريم باستغراب : ليش ؟!
عبير : مادري يا ريم قلبي ناغزني اتصل خالد وقال انهم اليوم رادين !!!
ريم : بس ما مداهم !!
عبير : ابصر يا الريم .. ما يندرى شنو القصه ؟؟
ريم : مردهآ بنعرف نهايه القصه ,.,
::
::
.................................................. ................................................
.................................................. .........................................
::
::
سعاد : يمه جراح يالله فز ع طولك اختك بتوصل ,,, !!
جراح : ان شاء الله يمى الحين اخبر بدر ايي معاي ,,
سعاد : يالله ع خير يمى ... !!
::
::

|| خالد وساره اللي توهم نازلين من الطائرة وباين التعب النفسي على ويوههم واضح جدا





اخذ الاغراض والشنطآت .. وحطآهم بالعربة وتفآجآ انه بدر وجراح ينتظرونه ..



سلم عليهم وساره سلمت على اخوهـــآآآ



بدر : ان شاء الله استانستون اهنآك ؟؟ الآجوآء كانت عجيبة مو ؟



خآلد : ايه الحمدلله



جرآح وبدر اللي حسوا انه مصيبه كبييرة صايرة ,.,, !!



جرآح : هاااااا خبرونا تبون تروحون وين اول بيت ابو خالد ولا بيت ابو ناصر لآنه الاثنين ينتظرون ,, ع احر من الجمر !!



خالد وساره في نفس الوقت : انه ابي اروح بيتنــــآ



بدر وجراح اللي ضاعوا من الوضع اللي صاير وتموا يناظرون بعض ,,



بدر : امممم خلنآ نركب السيارة ونتفق بعدين ,,



خآلد : تعرف شلون ؟ ودوا ساره وانه عندي شغله بسويها وبرد ,,



بدر : بس توك راد مو تعبآن ,,,



خآلد : الشغله ضروريه .. يالله عن اذنكم وسلم ع الكل ,,,



ساره اللي حابسه الدمعه بعينهآ .. والصمت يعتليهآ ..



ركبت السيارة بهدوء وبدر وجراح اللي كانوا يراقبون كل نظرة من سارة وخالد وباين انه الامورو ما مشت مثل ما يتمنونها ,,, !!





وصلت البيت ..



سعآد : ساره يمى وحشتيني يا الغاليه



ساره بعدم اهتمام : هلا يمى انتي بعد وحشتيني ..



سعاد : شخبارج يمى .. ان شاء الله بخير ؟؟



ساره : ايه انه بخير ..



ورآحت سلمت ع الكل .. اللي كان ينتظرهآ ..



ام ناصر : عيل وين ريلج ؟؟ يمى !!



جراح اللي قام اتآتآ : امممممم رآح عنده جم شغله بكملها وبرد ,,



ام ناصر : اها .. الله يوفقه ..



سعاد : تعالي يمى قعدي .. يمي !!



ساره : لا يمى انه تعبانه ابي ارقد ,,,



سعاد : خير يمى فيج شي !!



ساره : لا بس صادني دوار من الطائرة ..



سعاد اللي قلبها يحس لبنتها : على خير يمى روحي ارتآحي ,, !!





خالد اللي راح بيتهم بعد وامه اخذته بالاحضان وكانها مو شايفتنه من سنه !!!



وعبير بعد اللي ضمت اخوها بقوه دلاله على الوحشه اللي خلفها بالبيت من بعد سفره ..



ام خالد : ها يمى ؟؟ وين مرتك !؟



خالد : راحت لآمهآ انه تعبان يمى خليني ارقد ..



ام خآلد : ما عاش التعب .. ارقد وارتآح .. على ماترد زوجتك !!



خآلد بقلبه : هه مستحيل ترد يايمى مستحيل ...

|| الاوضاع غير مستقره وسعاد درت انه ساره مو مرتاحة ويا خالد وعرفت انه خالد ماليه ذنب وانه بنتها اهي اللي مو راضية تتقبل هالواقع .. وام خالد بعد اللي زعلت وايد على ولدها وعلى حاله ... والكل كان حزين واولهم زياد .. على حال هالاثنين لانه الاوضاع مثل ما قلنا مو مستقره ,, ولحد الحين ... ما صار أي شي رسمي يطور علاقتهم كزوجين .. لانه كل واحد في بيت .. وكل واحد ما يسال عن الثآني ,, ||
بعد مرور اسبوع


خالد اللي رد لدوآمه .. ورجعت حالته النفسيه تتعدل لانه ساره اصبح ماليها وجود بحياته حاليا ,,, وما يشوفها او يعيش وياها مثل قبل .. علشان بيتعب منها ومن حركاتها الياهل ,,



السكرتيرة : استاد خآلد .. في وآحد بره يبيك اسمه بدر ..



خآلد : ايه دخليه وطلبي اثنين عصير ..



السكرتيرة : حآضر استآد .


بدر اللي بروحه المرحة : قوه خلود ..



خآلد بابتسامه : هلا بدر .. ها شعندك مآر صوبنآ ..؟



بدر : انه اقول اخوي وحشني ... فمريت عليك ..



خآلد اللي نزل راسه بالاوراق : هههههه وانه بعد اقول هلون ,,



بدر اللي تم احوس واحوس وانتبه له خآلد ..



خآلد : خير شفيك .. انه اقول ياي مو من خير ؟؟



بدر: ههههه مادري اذا كان خير او لا بس انت اخوي ومحد بيوقف وياي غيرك ..



خآلد : لآيكون عبآلك ناسي مشروعك ؟؟ اطمن انت حآطك من اولوياتي ..



بدر : ايه عارف انك ما بتقصر بس ... مو هذا الموضوع ..



الا بطقه الباب ..



السكرتيرة وهي حامله العصير بصينية .. : تفضل استاد ..



خآلد : شكرا



السكرتيرة لبدر : تفضل ..



بدر : شكرا ..





خآلد : كمل لاه ..



بدر وهو يلف ويدور : خآآلد انه ابي اتزوج ..



خآلد : ههههههههههههه الحين هاي الموضوع اللي مسوي ويهك طماط ..



بدر : اوه خلود لا تقعد تتطنز .. انه يايك اتساعدني مو تتطنز علي !



خآلد : ههههههه اوك بالرغم انه ما انصحك بس قولي منو هاي سعيدة الحظ ؟



بدر : انت تعرفهآ !!!



خآلد : انه اعرفهآ .. لايكون بس حاط عينك ع وحده من الموظفات ..



بدر : لالالالا ويع انه اخذ وحده سفور هلون ..



خآلد : ههههههههه عيل من ؟؟



بدر : ريم بنت جآرنآ بو حمد ...



خآلد : بل !! هاي اللي مرت ابوها شرانية !!!



بدر : ايه بس اهي غير غير غير .. اهي ملآك .. اهي



خآلد : هي هي هي استح ع ويهك قاعد تتغزل فيها جدامي !!



بدر : خلوووووود لا تردني .. انه كنت انتظرك تروح معاي نخطبها ..



خآلد : ان شااااااء الله من عيوني ومصاريف زواجك كلها علي ..



بدر اللي ارتسمت الفرحة على ويهه : قووووووووووول والله ..



خآلد اللي وقف ووقف وراه بدر : انه ماعندي الا انت اذا مافرحت فيك افرح في منو ..



بدر اللي لا اراديااا ضم خالد .. وخالد لاول مره من بعد زواجه يحس بالسعاده وخاصه انه فرح قلب اخوه باللي يتمناه ..ويتمناه قلبه وماحب يحرمه مثل ما اهو انحرم ..





اذا بدر وجراح .. اللي خلاص اعترفوا بحبهم وراح يتزوجون اللي يتمنونه ...



عبير اللي برد قلبها وريم بعد برد قلبها ..



خلاص حسوا هالثنتين بالاستقرار العاطفي ..



وجاسم اللي ينتظر الفرصه المناسبة انه يروح ويخبر امه عن هند واكيد هالشي طبيعي انه ام ناصر ما بترفض هند كزوجة لولدهآ ,,,



وساره وخالد ... !! شنو مصيرهم ؟؟



وزياد ..



وروعه وحمد ومحمود هالشخصيات اللي ماتكلمنا عنهم وآيد من قبل



هل لهم دور بقصتنا وبالاجزاء الجايه !!



كل هذا بتعرفونه قريبا .. ان شاء الله

|| الجــــزء الــ 25 ||
::
::
|| بعـــد مرور 3 ايام . .. ||
::
::
بدر وهو يتكشخ لآنه اليوم .. رآيح يخطب ريم .. والريم .. اهي بعد طآيرة من الفرحة ,,
بس بنفس الوقت خآيفه من خبآثة .. مرت ابوهآ وتآثيرهآ على .. ابوها ..
بدر وهو يغني : هنوني هنوني ياااا ناس هنوني ..
زياد وهو يضحك بخفه : ههههههه آيي عليك .. مااقدر ع الكشخه ..
بدر وهو فرحان حيل : امممم اليوم الفرحة موب شايلني ادعيلي يا زياد يوافقون اتزوج الريم ..
زياد وهو فرحان لولد خالته : ان شاء الله يابدر ان شاء الله ..
::
::
آمآ في غرفه ريم .. فكآنت مو مصدقه وكانت معاها عبير اللي من الصبح واقفه وياها,,
وهند وهدى,, !!
ريم : ياااااااا ربي آنه وآيد خآيفه ,,,
عبير : من شنو ياحظي ,,, ؟؟
ريم : مآدري مآدري .. احس مرت ابوي بتوقف بطريجي ...
هدى : وانه مثلج .. مرت ابوج نسره .. بتسوي المستحيل علشان تعاستج !!
ريم .. : مآدري ياهدوي ,, هذي من شنو مخلوقه .. !!
الا بدخلة الخدامــــــــــة ,,
الخدامه : اتقول ماما .. ريم ينزل تحت ,,
ريم باستغراب : ليش ؟
الخدامه : ما يعرف انا .. انت روح ويشوف شنو يبي !!
ريم : زين زين طلعي بره ,,
::
::
نزلت ريم وهدى وعبير وهند كانوا يراقبون من فتحة الدرج .. لقت خالد وبدر وام خالد وام حمد وابوهآ وحمد ,, قاآعدين ,, !! ريم ترددت وقررت انهآ مآ تنزل بس تسمعهم شقولون ,,
وكانوا مساندينهآ الثلاثي المرح ..
ابو حمد اللي مرتسمه ابتسآمه مصطنعه على ويهه لآنه مو ويه مثل هالاجتمآعآت مع غيره من النآس ,, حده يجآبل شغله وبعض الشيبة اللي بديوآنية ,,
خآلد الي بدى بالكلآم : مثل مآ انتوآ عآرفين صآر لنآ جيرة كبيرة ويآكم .. ومآ آظن مخفي عليكم آمرنآ ,, احنآ اليوم يآيين بطلب آتمنى مآ تردونآ فيه ,,,
آم حمد بغرور وتكبر وهي لابسه ارقى الملآبس : خير ان شآء الله ؟؟
ام خآلد الي مآحبت اسلوبهآ آبد : الخير بويهج يآ ام حمد .. احنآ اليوم طآلبين .. يد بنتكم الريم ,, لولدنآ بدر .. !!
بدر : وآن شآء الله مآ تردونآ ,,,
آم حمد : شنـــو ؟؟ ولدكم بدر ؟؟
خآلد باستغرآب : ايه بدر .. ليش ؟؟ سآمعه عنه شي ,,,
آم حمد : لآ سلآمتك .. بس ولدكم توه مفكر يدش من البآب ..
ريم بصدمه كبيرة ,, تنآظر تعآبير ويه بدر وخآلد وام خآلد ..
آبو حمـد : شقصدج يآ آم حمد ؟ توه مفكر يدش من البآب ؟؟
ام حمـد : ولدكم هذآ يكلم بنتنآ .. بالتلفون .. وزيآرآتهآ كثرآنه لبيتكم .. والناس شعندهآ غير الطآلعه والنآزلة .. ولو زوجنآكم آيآهآ شبقولون .. مسويه سوآيآهآ ويآه وزوجوهآ
ريم اللي دمعت عينها بدون ما ترجف أي رمش .. من كثر الصدمه والبنات بعد منصدمين ,,,
حمـــد : يمى شهالكلآم ؟؟ لو يبي يلعب مآ يآ خطب !!!!

ام حمــــد : آنه آسفه .. مآعدنآ بنآت للزوآج ...
بدر : شنـــــــــو ؟؟ بس انه يآي اخطب ,, مآ يآي العب ..
ابو حمـد الي كآن سآكت ومبين انه سكآنه مرته ,,
خآلد : خآلتي ؟ ليش اتسوين هلون ,, احنآ يآيين نستر بنتكم
ام حمد : دآم هآي تربية ولدكم مآ اظن فيهآ ستر بعد .. مو يآ ابو حمد ؟؟
بدر بصرآخ : عن الغللللط .. اساسا انه كنت متوقع انه انتي بتقولين هلون .. لكن حطي في بآلج باخذهآ يعني بآخذهآ ..
ام خآلد اللي حست بخطوره الموقف : هد يا يمى ,, مو طريقه هذي للتفاهم ,,,
ام حمد : دام هاي تربيتج ..
خآلد : احترمي نفسج عآد ,, انه سكتت عنج الا انج تغلطين ع تربيتنآ ,,
ام حمد للي نبطت جبدهآ : ابو حمد مآ تتكلم ؟؟؟؟؟
ابو حمد : والله انه رآيي من رآي زوجتي .. اللي ما يجي منه خير بالبداية مامنه خير ..
بدر بصدمه والكل منصدم .. اما عبير اللي مو قادره تصدق ,,
اللي قاعد يصير .. وكآنه هالشي سيناريو ,, مدبر ..
خآلد : تعآل .. يا بدر .. خلآص .. خلآ نمشي ..
بدر اللي تو بيطلع كلم حمد : مآ توقعت آمك بهالاخلاق يا حمد .. انت غير غير ,,
وطلع ... الكل كآن بصدمه .. ريم اللي نزلت من على الدرج ودموعهآ .. ع خدهآ
ريم وهي تبجي ,,, : ليييييييش يبى ليش ؟؟ ليش سويت هلون ؟؟ عبآلك انه فرحآنه بالعيشه معآكم ؟؟
لمتى بتسمح لهآ تدمر حيآتي ؟؟ آنه بنتك يآ يبى ,,
ام حمد بصرآخ : اقول سكتي وانطمي .. وهالبدر لو تتدحنين ما خذتينه ..
حمد : شفيج يا يمى ليشششششش ؟؟ مالج حق تتدخلين اهي مو بنتج ..
ام حمد : دآمهآ صآرت تحت جنآحي يكون لي حق ونص ,, يالله ابو حمد ,,
اختفى ابو حمد وام حمد عن نآظر ريم وحمد .. لكن دموع الغالية ريم لم تتوقف ..
نزلت عبير وهي تبجي وهند وهدى ورآهآ ,,
وقفت ريم وقآبلت عبير وهي تبجي ,, : شفتي يآ ريم .. يآمآ قلت لج .. مستحيل السعاده تيي بدربي يوم .. مستحيل .. !!
هند اللي ماهمها هالموضوع ورآحت لحمد : انت آخوهآ ؟؟
حمد وهو يطالع بنظرآت .. استغرآب : شنو ؟؟
هند : لو انت اخوهآ طلعتهآ من حيآه الجحيم اللي عآيشتهآ ويآ امك ,, تبآ تقنعني آنك مرتآح ؟
اقص يديني ثنتينهم ,,, !!
وطلعت هند وورآهآ هدى .. امآ عبير اللي تمت ضآمه ,, ريم وهي تبجي بقوه ..
::
::
في بيت ابو خآلد ..
دخل بدر بسرعه الى الغرفه وكآن زيآد ينتظره بفآرغ الصبر ...
يبي يعرف شصآر ... بس ما توقع بهالسرعه انه يرد ,,,
زياد بتردد : بدر ؟؟
بدر وهو منزل راسه بالارض ...
زيآد : شصآر يا بدر ؟؟
بدر وعينه تدمع : رفضوا ..
زياد بصدمه خلته يوقف وهو زعلان من قلب : ليش ؟؟
بدر : مرت ابوهآ .. رفضت وغيرت رآي زوجها الحرمة ..
زياد اللي تضآيق من قلب وطلع بره البيت وهو يفكر بطريقة .. تخلي ولد خالته سعيد بحياته
وانه ما يعيش تجربته اللي عاشها وتمرر قلبه ,,فيها ..
::
::
طلع لقى خآلد لآول مره من عودته من السفر .. تم يناظره بقهر وعينه ع وشك تساقط الدموع .. وخآلد اللي يطالعه باستغراب معقولة زياد مانسى اللي صآر ؟؟
نظرات زياد كانت لفتره زمنية .. جعلت خآلد يحس بالذنب بالرغم انه ماله خلق لمشاكل الماضي ,,
تهقون حوبة زيآد كانت سبب تعاسة خآلد ؟؟
زياد بصوت واطي :السلام عليكم
ام خالد وخالد : وعليكم السلام ..
زياد اللي هم بالطلعه ووقفه صوت خآلته : وين رايح يا ولدي ؟؟
زياد : عندي شغل اليوم خآلتي !!
ام خآلد : وانت للحين مآتركت هالشغل الي يتعب القلب !
زياد اللي ابتسم لخآلته : مؤقت يا خآلتي
ام خآلد : قلت لك اطلع يا ولدي .. شنو مستفيد غير عوآر القلب ..
خآلد : زيآد ؟
زيآد اللي ما التفت لخآلد ..
خآلد : انه قلت بفتح لك مشروع مع بدر ليش ما نطرتني ..
زيآد الي ابتسم بآلم : شكرآ يآ ولد خآلتي مو محتآج لك .. عن اذنك !
طلع زياد ونظرات الاستغراب على محياا ويه خآلد
خآلد : يمى زيآد ليش اعاملني هلون ؟
ام خآلد : ماعليه ياولدي فتره وبتعدي ..
خآلد : ان شاء الله يمى .. انه بقوم اشوف بدر ..
ام خآلد : خير يمى ..
::

|| صبآح يوم آخر ,, ||


ساره اللي قعدت على صوت العصافير نشت من رقادهآ وهي تعبانه اليوم


وجودها في منزل خآلهآ بو نآصر يخلي الكل يستغرب ويتساؤل شلي صار بينها وبين خآلد ؟


اما هند اللي كانت تفكر بحآل ريم .. وشلون انه الحب شي كبير ويحتاج تضحية كبيرة


ابتسمت لوجود جاسم بالقرب منهآ ..


الا انه زعل بدر وريم كان مضايقنها وايد ,,


::


::


خالد اللي قاعد يحس باللوم الكبير لانه ماقدر يفرح اخوه بس طبعا بحاول اسوي المستحيل .. علشان يسعد اخوه وما بوقف عند هالحد


ولكن في شي مضايقه ازيد انه اسبوع وكم يوم ساره ما كلمته ولا اهتمت له


وهو اللي دوم على باله ...


استلقى على سريره وقعد يفكر بلحظآت حلوه مرت بحياته تذكر حبيبته السابقه


تخيل لو انه هذه اللحظه كانت معاها .. شلون راح يحس بالسعاده ..


ابتسم داخل قلبه .. لم يكن ليظهر سعادته الخارجية


فهذا مجرد حلم .. حلم يختلف عن الواقع تماما ,,


::


::


++ يوم الجمـــــعه الساعه 1:30الظهر .. ++


\\


.. رجعوا الشباب مع بو ناصر من صلاة الجمعة


ام نآصر : يالله قوموا جهزوا اعماركم علشان اليوم الغدا في بيت عمكم بوخآلد الله يرحمه ..


الكل : ان شاء الله ..


سعاد : يمى هند وين اختج ساره ؟؟


هند : فوق يمى اناآديهآ ..؟؟


سعاد : لا تمي انه بروح لهآ ..


::


::


دخلت سعاد ولقت ساره شارده بفكرها وهي قاعده تناظر منظر الشمس المشرق ..


وضوئها الساطع اللي يتخلل خصلات شعرها الرائع ..


سعاد : ساره ..


ساره بعدم اهتمآم : هممم ؟؟


سعاد : قومي يمى جهزي عمرج بنروح بيت خالج ..


ساره : مآلي بآرض يآيمى .. !


سعاد : بس اعرف شصار بينج وبين خآلد ؟؟


ساره : يمى ما صآر شي ,, منو بتم بالبيت ؟؟


سعاد : مـ ح ـد حتى الخدم بروحون ويانا لآنه اليوم بنسهر معاهم ..


ساره : ع رآحتكم ...


سعاد بضجر على بنتهآ : شنو افهم ما بتيين يعني ؟؟


ساره : لآ يمى .. مآلي ويه اروح هنآك


سعاد بفقدان آمل : على راحتج يايمى .. بس لو حبيتي تيين عندج سيارتج تعالي


ساره : ان شاء الله يمـــى ..


::


::


بدر اللي كل لحظه يحآول يتصل في الريم ولكن مآفيه رد ..


بدر مو قادر يتخيل انه اللي صار حقيقة وواقع


وانه مستحيل يتخلى عن الريم بسهولة مثل ما متوقعين ..


بدر يكلم نفسه : شفيج ياعمري ؟ ليش ماتردين علي !! آآآآه طمنيني ع حآلج بس ..


::


::


نزل بدر علشان يشوف زياد وين رآح من آخر مره شافهآ فيه لقى الكل موجود تحت


ابو ناصر وام ناصر وعمته وهند جراح جاسم ناصر وولده لؤي وزوجته اليوم حاضرين بعد وعبير وهدى عمار ورائد وام خآلد .. هديل وزوجها وناهد وزوجها


طبعا مع اليهالوا ,, !!


بمختصر كل العايلة اليوم موجوده ... تمنى لو انه يلاقي ريم بعد موجوده .. مثل كل مره تحضر فيها اجتماع العايلة .. !! بهاليوم ,,


كمل خطوآته بتثآقل ..بدر : السلام عليكم


الكل : عليكم السلام ..


ابو ناصر : حياك ياولدي وينك ماتبين هالايام ,, ؟


بدر بابتسامه مصطنعه وراح يلس يم عمه ..


::


::


ام ناصر : عيل وين خآلد ؟؟


ام خآلد : خآلد اليوم عنده شغل قآل لمآ يفضى بيي جريب ..


ام ناصر : على خير ان شاء الله ,, !


::


::


كان تجمع العائله يجعل العائله تشعر بالسعاده نوعا ما


السوالف والهذرة .. والضحكات تتعالى بين بعضهم


تجعلهم في راحة ..


خاصه من فقد عزيزا على قلبه .. او ما زال يعيش في دوامة الحزن ..


هذا التجمع ما زال قائما .. ولكن ذكرى ابو خآلد وضحى ..


لها مكآن في قلوب جميع الحاضرين ,,


::


::