قصة اتعور القلب

موضوع: قصة اتعور القلب السبت أبريل 11, 2009 4:06 am

هلووووووو هذي القصة شفتها في النت وحبيت انقلها ليكم

القصة صارت على إحدئ شواطئ الخليج

فيه اثنين شباب راحوا البحر جلسو على الشاطئ ومعاهم عشاهم. وهم جالسين
يتعشون جتهم عجوز كبيره في السن وقعدت تلقط الأكل المنثور على الأرض وتأكل.
ولما شافوها قالولها أنتي جوعانة قالت أنا هنا من الصبح وماأكلت شئ جابني
ولدي من الصبح وراح وخلاني وقالي راح أجي آخذك بعد شوي.المهم جابوا لها
عشاء وتعشت. وبعد ما تأخر الوقت شالوا أغراضهم وحسوا الشباب إن الوقت متأخر
والجو بدا يبرد ومايصير يتركون العجوز على الشاطئ لحالها في الليل وجاء
واحد من الشباب وقال لها عندك رقم ولدك نتصل عليه نخليه يجي آخذك . قالت
العجوز إيه معي الرقم في ورقه . ولما طلعت الورقه . شنو تتوقعوا مكتوب فيها
؟؟؟؟؟ مكتوب ( من يجد هذه المرأه يآخذها لدار العجزه) انصعقوا الشباب من
المكتوب في الورقة وجلسوا ساعة يترجون العجوز تمشي معاهم. ويحاولون فيها إنهم
يوصلوها أي مكان هي تبيه . أكيد العجوز رفضت أنها تروح معاهم لأن ولدها
وعدها إنه يجي يأخذها وتبي تستناه لما يجي.وكانت تقول ولدي راح يجي يآخذني
وأنا راح انتظره . > >ماتدري المسكينه إن ولدها تنكر لها ورماها في الوقت
الي هي فيه محتاجه له.المهم راحوا الشباب عنها وأتركوها على أمل إن ولدها
راح
يجي يآخذها حسب وعده لها. فيه واحد من الشباب قعد يتقلب في الفراش وماقدر
يرقد يفكر في مصير العجوز المسكينه وقام من فراشه وغير ملابسه وركب سيارته
وراح للشاطئ. ولما وصل. شاف الاسعاف والشرطة والناس مجتمعين ودخل بينهم
شاف العجوز قد فارقت الحياه ولما سألهم عن سبب وفاه العجوز قالو له أرتفع
معها الضغط وماتت. ماتت من خوفها على ولدها يمكن يكون صار له شئ. ماتت وهي
تنتظر ولدها يجي يآخذها. ماتت وهي بعيده عن أهلها. الله يرحمها برحمته
ويدخلها من أوسع ابواب جنته.أدعوا معي آمين.
أرجو من كل من يقرأ هذه القصه
أن ينشرها لتكون موعظه لكل > >عاق لوالديه وأن يعلق على هذا الموضوع لتكون
الفائده أكثر
ولله اتعور القلب

يسلمووووووووووووووووووووووووووووووووووووو والله اتعور القلب Sad

مشكورة على الرد
الله يهديه

أكيد إنها تعوووووووور القلب

معقول في قسوة إلى هالدرجة

معقول في عقوق بهالطريقة

اللهم اجعلنا بارين بوالدين في الدنا والاخرة ياااارب

آآآآآمين
شكراً على مرورش المميز يور مام
geek

شكرا على الموضوع

شكرا همس الطفولة على مرورش العطر queen